ჭარბი წონა და მისი მკურნალობა

ჭარბი წონა ფართოდ გავრცელებული პრობლემაა, რომელიც ადამიანის ჯანმრთელობისთვის სერიოზულ საფრთხეს წარმოადგენს. ჭარბი წონის ყველაზე გავრცელებული მიზეზებია:

• ენერგეტიკული დისბალანსი - როდესაც საკვებიდან მიღებული ენერგია ვერ იხარჯება, სხეული არ მოძრაობს საკმარისად და სხეულში არსებული ცილები, ცხიმები და ნახშირწყლები ქსოვილებში სამომავლო მარაგად გარდაიქმნება. 
• ენდოკრინული დარღვევები - ენდოკრინული სისტემის არასათანადო მუშაობა სიმსუქნის მიზეზი ხდება, რადგან არასაკმარისად გამომუშავებული ჰორმონი ვერ აბალანსებს ორგანიზმის ენერგიას. ფარისებრი ჯირკვლის ჰორმონის შემცირება, ანელებს მეტაბოლიზმს და ადამიანი მაშინაც კი იმატებს წონას, თუ ნაკლებ საკვებს იღებს. 
• მედიკამენტები - ხშირად ჭარბი წონის გამომწვევი მიზეზი ზოგიერთი პრეპარატს მიღებას უკავშირდება. ასეთი მედიკამენტებია: ანტიდეპრესანტები, ეპილეფსიის საწინააღმდეგო პრეპარატები, ანტიჰიპერგლიკემი და სხვა;
• გენეტიკა - ზოგიერთი გენეტიკური დაავადება მათ შორის პრადერ-ვილის სინდრომი, ბარდეტ-ბილდის სინდრომი, ალსტრემის სინდრომი, კოენის სინდრომი და ა.შ. ჭარბი წონის გამომწვევი მიზეზი ხდება. ჩამოთვლილი დაავადებები შესაძლოა გამოვლინდეს ინტელექტუალური შესაძლებლობების შეზღუდულობით, დიაბეტით, მხედველობის და სმენის დაქვეითებით და სხვა. დღეისთვის აღნიშნული სინდრომებით მსოფლიოში ათასობით ადამიანია რეგისტრირებული.

რა ზიანი შეიძლება გამოიწვიოს ჭარბმა წონამ?

ჭარბ წონას, ყველაზე ხშირად, გულისა და სხვა დაავადებების რისკის მატება ახასიათებს. ჭარბმა წონამ შესაძლოა არაერთი პათოლოგია გამოიწვიოს:

• მაღალი არტერიული წნევა;
• ტრიგლიცერიდების მომატებული დონე;
• სისხლში მომატებული დაბალი სიმკვრივის LDL -ცუდი ქოლესტეროლი;
• გლუკოზის დონის მატება;
• ნაადრევად განვითარებული გულის დაავადებები;
• დიაბეტი;
• ინსულტი;
• მეტაბოლური სინდრომი;
• ძილის აპნოე-ძილის დროს დარღვეული რეგულარული სუნთქვა;
• ოსტეოართრიტი;
• ღვიძლის გაცხიმოვნება;
• შარდის შეუკავებლობა;
• სიმსივნე;
• ნაღვლის ბუშტის დაავადებები;
• თირკმლების დაზიანება;
• ორსულობის პრობლემები;
• ემოციური და სოციალური პრობლემები;

ჭარბი წონა ბავშვებში

ჭარბი წონა ბავშვებში გავრცელებული ყველაზე ხშირი ქრონიკული პათოლოგიაა. მსოფლიოში მისმა გავრცელებამ ეპიდემიის სახე მიიღო, რაც პირდაპირ კავშირშია არასაკმარის ფიზიკურ აქტივობასთან, არაჯანსაღ კვებასთან და ტელეეკრანის/კომპიუტერის წინ გატარებული დროის ხანგრძლივობასთან. ბავშვებში სიმსუქნის თავიდან ასაცილებლად მნიშვნელოვანია ოჯახის ყველა წევრის დაბალანსებული კვება და ფიზიკური აქტივობა. ფიზიკური დატვირთვის შერჩევისას გაითვალისწინეთ ბავშვის ასაკი და დაიცავით კვების შესაბამისი რეჟიმი.

როგორ ვუმკურნალოთ ჭარბ წონას?

ნორმის ფარგლებში წონის შესანარჩუნებლად ადამიანმა უნდა მიიღოს რეკომენდირებული კალორიებით მდიდარი, ჯანსაღი საკვები და დაკავდეს ფიზიკური აქტივობით. თუ თქვენი ორგანიზმის შესაბამისი მასის და საჭირო კალორიების დადგენა გსურთ, პროფესიონალებს უნდა მიმართოთ. 

სახლიდან გაუსვლელად, თქვენთვის მოსახერხებელ დროს REDMED-ის პლატფორმაზე შეგიძლიათ პროფესიონალ ექიმებთან აუდიო და ვიდეო კონსულტაცია გაიაროთ. პლატფორმის საშუალებით თქვენ დაზოგავთ დროს და თქვენთვის რეკომენდირებული ფიზიკური დატვირთვის, კვების რაციონის, ან შესაძლო დაავადებების შესახებ, ინფორმაციას დროულად მიიღებთ. თუ ცხოვრების წესის შეცვლა წონის დასაკლებად საკმარისი არ არის, ექიმის მითითებით, შესაძლოა მოხდეს ქირურგიული მეთოდების გამოყენებაც. აქედან გამომდინარე, სწორი მკურნალობის დასაწყებად, ყველაზე მარტივი ნაბიჯი პლატფორმის საშუალებით ექიმთან კონსულტაციის გავლაა. 

როდის არის საჭირო ექიმის კონსულტაცია?

ძილის დარღვევები, ასთმა, დიაბეტი, ფსიქოლოგიური პრობლემები, გულ-სისხლძარღვთა დაავადებები, სისუსტე და ა.შ. - თუ ჩამოთვლილთაგან რომელიმე დაავადების რისკფაქტორები არსებობს და თქვენი წონა დაშვებულ ნორმას სცდება, აუცილებლად მიმართეთ პროფესიონალ სპეციალისტს, რათა შესაძლო გართულებები თავიდან აიცილოთ.