პლატფორმის გამოყენების წესები და პირობები

შპს „რედმედი“ (შემდგომში კომპანია/რედმედი/ჩვენ) არის საქართველოს კანონმდებლობის შესაბამისად რეგისტრირებული იურიდიული პირი.

საიდენტიფიკაციო ნომერი: 405341465

იურიდიული მისამართი: საქართველო, თბილისი, საბურთალოს რაიონი, ალექსანდრე ყაზბეგის გამზირი, N 24ბ, ოფისი N7

წინამდებარე წესები და პირობები (შემდგომში - წესები და პირობები) ეხებათ იმ ექიმებს, რომლებიც რეგისტრირდებიან პორტალზე, როგორც დამოუკიდებელი სამედიცინო საქმიანობის მწარმოებელი ფიზიკური პირები (კერძო პრაქტიკა), ასევე, არასამედიცინო საქმიანობის მწარმოებელი ფიზიკური პირები, როგორიცაა ფსიქოლოგიური სერვისები და რეაბილიტაცია/აბილიტაციის სერვისები.

ამ წესები და პირობებზე დათანხმებით თქვენ შეგიძლიათ დარეგისტრირდეთ პორტალზე, როგორც კერძო პრაქტიკის მწარმოებელი ექიმი (სხვა სპეციალისტი), მიუხედავად თქვენი კუთვნილებისა რომელიმე კლინიკისადმი.

ზოგადი ნაწილი და გამოყენებული ტერმინოლოგია

შპს „რედმედი“ (შემდგომში რედმედი ან ჩვენ) წარმოადგენს ციფრულ პლატფორმას/აპლიკაციას, რომელიც აკავშირებს მომხმარებელსა და რედმედის პლატფორმაზე რეგისტრირებულ მომსახურების მიმწოდებელს (შემდგომში თქვენ) და აძლევს საშუალებას მომხმარებელს მიიღოს რედმედის პლატფორმაზე რეგისტრირებული მომსახურების მიმწოდებლის სერვისები.

მიმართვა „თქვენ“ ამ დოკუმენტში ეხება ექიმს, ფსიქოლოგს ან აბილიტაცია/რეაბილიტაციის სპეციალისტს, რომელიც რეგისტრირებულია რედმედის პლატფორმაზე და ახორციელებს სერვისების მიწოდებას რედმედის მომხმარებლისთვის.

თქვენ მიერ პლატფორმაზე რეგისტრაცია და პლატფორმის გამოყენება ნებისმიერი გზით - იქნება ეს ბინაზე ვიზიტი, სატელეფონო, ვიდეო კონსულტაციის ჩატარება რედმედის მომხმარებლისთვის თუ სხვა, ნიშნავს, რომ თქვენ ეთანხმებით მოცემულ პირობებს. თუ თქვენ არ ეთანხმებით პირობებს სრულად ან ნაწილობრივად, გთხოვთ, დაუყოვნებლივ შეწყვიტოთ პლატფორმის გამოყენება.

ყოველგვარი გაურკვევლობის გამორიცხვის მიზნით განვმარტავთ, რომ ჩვენი პორტალის საშუალებით გადაუდებელი სამედიცინო დახმარების მიღება ან გაწევა არ არის შესაძლებელი.

ტერმინოლოგია

ამ დოკუმენტში გამოყენებულ ტერმინოლოგიას აქვს შემდეგი განმარტება:

პლატფორმა - რედმედის მიერ ოპერირებადი პლატფორმა, რომელიც მოიცავს ვებ-გვერდსა (www.redmed.ge) და ელექტრონულ აპლიკაციას, რომლის საშუალებითაც ხდება თქვენი და რედმედის პლატფორმაზე რეგისტრირებული მომხმარებლის დაკავშირება.

რედმედის პლატფორმაზე რეგისტრირებული მომსახურების მიმწოდებელი (შემდგომში ასევე - თქვენ / ექიმი) - ექიმი, ფსიქოლოგი ან რეაბილიტაცია/აბილიტაციის სპეციალისტი, რომელმაც გაიარა რეგისტრაცია, ატვირთა მოთხოვნილი დოკუმენტები, გაუაქტიურდა პროფილი და გამოხატა სურვილი საკუთარი სერვისის რედმედის პლატფორმაზე რეგისტრირებული მომხმარებლისთვის მიწოდებასთან დაკავშირებით.

მოქმედი კანონმდებლობა - საქართველოში მოქმედი კანონები, ბრძანებები, ბრძანებულებები, რეგულაციები და სხვა ნორმატიული აქტები, რომლებიც არეგულირებს სამედიცინო საქმიანობას, პერსონალური მონაცემების დაცვას, ფიზიკური და იურიდიული პირის ფინანსურ ანგარიშგებას და ნებისმიერი სსვა იურიდიული ძალის დოკუმენტი, რომელიც შეიძლება ეხებოდეს პროცესებს. პლატფორმაზე მუშაობისას.

ჩართულობა - განიმარტება, როგორც რედმედის პლატფორმაზე რეგისტრირებული მომსახურების მიმწოდებლის მიერ პლატფორმის საშუალებით მომხმარებლისთვის ნებისმიერი ტიპის მომსახურების გაწევა.

მომსახურების საფასური - რედმედის პლატფორმაზე რეგისტრირებული მომსახურების მიმწოდებლის მიერ გასაწევი სერვისისათვის მასსა და რედმედს შორის შეთანხმებული და მათ მიერ დადგენილი ფასი

წერილობითი ხელშეკრულება, ნებართვა, შეთანხმება - მოიაზრება როგორც ქაღალდმატარებელი, ასევე, ელექტრონული საშუალებების გამოყენებით მიღებული დადასტურება (მოიცავს, მაგრამ არ შემოიფარგლება: ელექტრონული ფოსტა, პლატფორმაზე დოკუმენტის მონიშვნა).

პერსონალური მონაცემები - ნებისმიერი ინფორმაცია, რომელიც უკავშირდება იდენტიფიცირებულ ან იდენტიფიცირებად ფიზიკურ პირს (საქართველოს კანონი პერსონალურ მონაცემთა დაცვის შესახებ, მუხლი 3).

განსაკუთრებული კატეგორიის პერსონალური მონაცემები - მონაცემი, რომელიც უკავშირდება ფიზიკური პირის რასობრივ ან ეთნიკურ კუთვნილებას, პოლიტიკურ შეხედულებებს, რელიგიურ, ფილოსოფიურ ან სხვაგვარ მრწამსს, პროფესიული კავშირის წევრობას, ჯანმრთელობას, სქესობრივ ცხოვრებას, ბრალდებულის, მსჯავრდებულის, გამართლებულის ან დაზარალებულის სტატუსს სისხლის სამართლის პროცესში, მსჯავრდებას, ნასამართლობას, განრიდებას, ადამიანით ვაჭრობის (ტრეფიკინგის) ან „ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ“ საქართველოს კანონის შესაბამისად დანაშაულის მსხვერპლად ცნობას, პატიმრობას და მის მიმართ სასჯელის აღსრულებას, აგრეთვე ბიომეტრიულ და გენეტიკურ მონაცემებს, რომლებიც ფიზიკური პირის უნიკალური იდენტიფიცირების მიზნით მუშავდება (საქართველოს კანონი პერსონალურ მონაცემთა დაცვის შესახებ, მუხლი 3).

პლატფორმის გამოყენება

წინამდებარე წესები და პირობებზე დათანხმების შედეგად თქვენ იღებთ უფლებას/წვდომას, ისარგებლოთ პლატფორმით. რედმედის მიერ თქვენთვის გადმოცემული წვდომა პლატფორმაზე არის ლიმიტირებული, არაექსკლუზიური, სხვაზე გადაცემის უფლების გარეშე. რედმედს აქვს თქვენი პლატფორმაზე წვდომის გაუქმების უფლება კონკრეტული მიზეზით ან მიზეზის გარეშე.

პლატფორმის გამოსაყენებლად თქვენ უნდა შექმნათ თქვენი პროფილი/ანგარიში. პროფილის მონაცემების შევსებისას თქვენ გარანტიას იძლევით, რომ:

• ყველა ინფორმაცია, რაც თქვენ შეიტანეთ პროფილში, არის ზუსტი, განახლებული, სანდო და სრული;

• თქვენი საქმიანობა პლატფორმაზე არის არსებული კანონმდებლობის ფარგლებში და შესაბამისი.

პლატფორმაზე თქვენი სამუშო გრაფიკის შექმნაზე პასუხისმგებელი ხართ თქვენ და თქვენ თავისუფალი ხართ გრაფიკის არჩევაში.

რედმედი იტოვებს უფლებას, საკუთარი გადაწყვეტილებით, წინასწარი შეტყობინების გარეშე:

• შეაჩეროს ან დაბლოკოს თქვენი პირადი ანგარიში/პროფილი და/ან წვდომა პლატფორმაზე ნებისმიერ დროს, ნებისმიერი მიზეზით (მათ შორის, მაგრამ არა მხოლოდ: თუ არის ეჭვი თქვენს მიერ მოქმედი კანონმდებლობის დარღვევაზე), წინასწარი გაფრთხილების გარეშე;

• შეცვალოს, გადააკეთოს, შეაჩეროს, გააუქმოს დროებით ან მუდმივად პლატფორმის ნაწილი ან მთელი პლატფორმა ნებისმიერ დროს და ნებისმიერ მიზეზით წინასწარი შეტყობინების გარეშე.

თქვენ აცნობიერებთ და ეთანხმებით, რომ თუ რედმედი გააუქმებს თქვენს ანგარიშს/პროფილს, აღარ გექნებათ წვდომა თქვენს პროფილზე არსებულ ინფორმაციასთან. ყველა უფლება, რაც გადმოგეცათ ამ შეთანხმებით, დაუყოვნებლივ გაუქმდება.

თქვენ ეთანხმებით და აღიარებთ, რომ:

• რედმედის პლატფორმა არის მხოლოდ კავშირის საშუალება თქვენსა და რედმედის მომხარებელს შორის;

• რედმედი არ არის ჩართული თქვენს მიერ მომხმარებლისთვის თქვენი სერვისის გაწევის პროცესში, ან თქვენი და მომხმარებლის ურთიერთობის პროცესში (კონტრაქტის ან რაიმე სხვა სახით).

თქვენ ეთანხმებით და აღიარებთ, რომ რედმედი არ აკონტროლებს და არ არის პასუხისმგებელი:

• მომხმარებლის მიერ პლატფორმაზე დაფიქსირებული ნებისმიერი ინფორმაციის სისწორეზე;

• მომხმარებლის მიერ დაფიქსირებულ ინფორმაციაში მის მიერვე შეტანილი ცვლილებების მართებულობაზე;

• თქვენს ნებისმიერ ქმედებაზე ან დაუდევრობაზე თქვენი ჩართულობის პერიოდში.

თქვენ იღებთ ვალდებულებას, აანაზღაუროთ თქვენ მიერ რედმედის მომხმარებლისთვის გაწეული მომსახურების საჭირო ხარჯები (მოიცავს, მაგრამ არ შემოიფარგლება: ტრანსპორტირების ხარჯები მომხმარებლის ბინაზე მისასვლელად, კონსულტაციის/კვლევის/მანიპულაციისათვის საჭირო აღჭურვილობა, საკანცელარიო მასალა და ა.შ.).

თქვენ იღებთ ვალდებულებას, დაჯავშნილი ვიზიტის შემთხვევაში განახორციელოთ ვიზიტი დათქმულ დროს. თუ ეს არ არის შესაძლებლი, უნდა შეატყობინოთ რედმედს ეს ინფორმაცია პლატფორმის „მხარდაჭერის ან დახმარების” ღილაკის დახმარებით, ან კომუნიკაციის სხვა არხით, რაც პლატფორმას წინასწარ აქვს მოწოდებული,

თუ თქვენ რეგისტრირდებით პლატფორმაზე და თანხმდებით, რომ გამოიყენებთ პლატფორმის ნებისმიერ შესაძლებლობას, თქვენ აცნობიერებთ, აცხადებთ, ადასტურებთ, და იღებთ ვალდებულებას, რომ:

• თქვენ ხართ სერტიფიცირებული ექიმი ან სხვა ზემოთ აღნიშნული დარგის სპეციალისტი მოქმედი სერტიფიკატით და დარეგისტრირების დროს გაქვთ საექიმო საქმიანობის (ან ფსიქოლოგიური, რეაბილიტაცია/აბილიტაციის სხვადასხვა სპეციალობის) წარმოების უფლება საქართველოში მოქმედი კანონმდელობის შესაბამისად;

• თუ თქვენ რაიმე მიზეზით შეგიჩერდათ ან გაგიუქმდათ საქმიანობის წარმოების უფლება (სერტიფიკატი), დაუყოვნებლივ შეატყობინებთ რედმედს;

• თქვენ ნებისმიერ რედმედის მომხმარებელს გაუწევთ მაღალი ხარისხის სერვისს;

• თუ თქვენ ხართ სერტიფიცირებული ექიმი და რედმედის პლატფორმის საშუალებით აწვდით თქვენს სამედიცინო სერვისებს მომხმარებელს, თქვენ ვალდებული ხართ აწარმოოთ სამედიცინო დოკუმენტაცია დადგენილი წესით ყველა ბინაზე კონსულტაციის ან ვიდეო-კონსულტაციის შემთხვევაში. (ეს ჩანაწერები მოიცავს მომხმარებლის სამედიცინო ისტორიას ამბულატორიული სამედიცინო დოკუმენტაციის წარმოების წესის შესაბამისად, მაგრამ არ შემოიფარგლება ამით). ჩანაწერებში ასახულია დეტალური ინფორმაცია თქვენს ჩართულობა/ქმედებებზე;

• ამბულატორიული სამედიცინო დოკუმენტაციის წარმოებაზე პასუხისმგებელი ხართ თავად;

• თქვენ არ გაქვთ უფლება, მოითხოვოთ დამატებითი გადასახადი რედმედის მომხმარებლისგან მასთან კონტაქტის შემდეგ გარდა რედმედისათვის გადასახდელი თანხისა;

• რედმედის მომხმარებელთან მიმართებაში თქვენი ქმედება უნდა იყოს კეთილგანწყობილი და კეთილსინდისიერი;

• თქვენ მკაცრად დაიცავთ ყველა მოქმედი კანონისა და რეგულაციის მოთხოვნებს.

მომსახურების ღირებულება

თქვენ ეთანხმებით და აღიარებთ, რომ რედმედის საშუალებით გაწეული ნებისმიერი მომსახურების გადახდა რედმედის მომხმარებლის მიერ შესაძლებელია მოხდეს მხოლოდ რედმედის პლატფორმაზე ონლაინ გადახდის მეთოდის გამოყენებით.

თქვენი სერვისების ფასს, რასაც აწარმოებთ რედმედის მეშვეობით, განსაზღვრავთ თავად, რედმედი გაძლევთ სარეკომენდაციო ფასს არსებული საბაზრო ფასის გათვალისწინებით.

თქვენ აღიარებთ და ეთანხმებით, რომ რედმედს აქვს უფლება საკუთარი შეხედულებისამებრ მოახდინოს შესაბამისი ფასდაკლებების გაკეთება მომხმარებლისთვის. აღნიშნული არ იმოქმედებს ექიმის მიერ მისაღები ანაზღაურების ოდენობაზე.

თქვენი ანაზღაურება

თქვენი ანაზღაურება რედმედის საშუალებით გაწეულ სერვისებზე იწარმოებს საბანკო გადარიცხვების გზით.

თქვენი ანაზღაურების დარიცხვა თქვენს საბანკო ანგარიშზე მოხდება სერვისის გაწევიდან მომდევნო თვის არაუგვიანეს 10 რიცხვისა.

რედმედის პლატფორმის საშუალებით გაწეული მომსახურებისათვის ჩარიცხული თანხა არ მოიცავს კანონმდებლობით გათვალისწინებულ გადასახადებს.

რედმედი აწარმოებს და ინახავს ყველა ანგარიშს ადეკვატური დეტალებით, რაც დაკავშირებულია თქვენ მიერ რედმედის საშუალებით შესრულებულ სამუშაოსთან ან რაიმე სხვა ტიპის ჩართულობასთან. თქვენ ეთანხმებით და აღიარებთ, რომ ნებისმიერი ჩანაწერი/ანგარიში, რაც რედმედის მიერ არის ნაწარმოები და კავშირშია თქვენ ჩართულობასთან პლატფორმის აქტივობაში, შეიძლება თქვენ მიერ გამოყენებული იქნას ნებისმიერი მიზნისათვის და წარმოადგენს ამ პირობებთან დაკავშირებული ნებისმიერი ინფორმაციის სანდო მტკიცებულებას. თქვენ ეთანხმებით და აღიარებთ, რომ აღნიშნული ჩანაწერები/ანგარიშები არის სანდო და შეიძლება გამოყენებული იქნეს მტკიცებულებად და თქვენ არ უნდა იდავოთ ამ ჩანაწერებზე/ანგარიშებზე ან მათ სიზუსტეზე, ნამდვილობაზე, სანდოობაზე ან მისაღებობაზე.

თქვენ ეთანხმებით რომ, თქვენ მიერ რედმედის პლატფორმის საშუალებით მომხმარებლისთვის გაწეული მომსახურების ღირებულება მოიცავს რედმედისთვის გადასახდელ საკომისიოს #1 ცხრილის შესაბამისად (აღნიშნულიდან გამონაკლისი შესაძლოა დამატებით შეთანხმდეს მხარეთა შორის) :

შესაბამისობა მოქმედ კანონმდენლობასთან

ყველა მხარე თავისი ხარჯით იცავს ყველა შესაბამის მოქმედ ნორმატიულ აქტს, რომელიც ეხება მის საქმიანობას ამ პირობების ფარგლებში, ითვალისწინებს, რომ პერიოდულად ისინი შეიძლება შეიცვალოს, და ასევე, თავისი ხარჯით უზრუნველყოფს ყველა საქმიანობისათვის საჭირო ლიცენზიის, რეგისტრაციისა თუ ნებართვის მიღებას და მოქმედ კანონმდებლობასთან შესაბამისობას.

ინტელექტუალური საკუთრება

თქვენ ეთანხმებით და აღიარებთ, რომ პლატფორმა და მისი ყველა საავტორო უფლება, სავაჭრო ნიშანი, სავაჭრო საიდუმლოებები და რედმედთან დაკავშირებულ სხვა ინტელექტულურ საკუთრებებზე უფლებები არის და იქნება რედმედის საკუთრება. ასევე, თქვენ ეთანხმებით და აღიარებთ, რომ პლატფორმის საწყისი კოდი, ფორმატი, კატალოგები, ალგორითმები, მოთხოვნები, სტრუქტურა და ორგანიზება არის რედმედის ინტელექტუალური საკუთრება და კონფიდენციალური ინფორმაცია. თქვენ არ გადმოგეცემათ უფლება პლატფორმის ინტელექტუალურ საკუთრებაზე, თუ ამ უფლების გადმოცემა პირდაპირ არ არის გაწერილი პირობებში.

იმ შემთხვევაში თუ პლატფორმაზე მოცემულია ჰიპერბმული, რომელიც გადამისამართდება სხვა ნებისმიერ აპლიკაციაში ან ვებგვერდზე, იმოქმედებს შესაბამისი აპლიკაციის/ვებგვერდის წესები და პირობები. ასევე, თქვენ აცნობიერებთ და ეთანხმებით, რომ რედმედი არ არის პასუხისმგებელი ჰიპერბმულით მოცემულ აპლიკაციაში/ვებგვერდებზე განთავსებული ინფორმაციის შინაარსზე, მართებულობაზე ან მათ მიერ შემოთავაზებული სერვისების ხარისხზე.

თქვენ არ ხართ ავტორიზებული რედმედის მიერ გამოიყენოთ რედმედის ინტელექტუალური საკუთრება (რაც მოიცავს, მაგრამ არ შემოიფარგლება სავაჭრო ნიშნის გამოყენებას ნებისმიერ რეკლამაში, განცხადებაში ან სხვა კომერციულ საქმიანობაში) რედმედის წინასწარი წერილობითი ნებართვის გარეშე, რომელიც შეიძლება გაუქმდეს ნებისმიერ დროს რაიმე მიზეზით ან უმიზეზოდ.

პერსონალურ მონაცმეთა დაცვა

ყველა მხარე თანხმდება, რომ პლატფორმის გამოყენებით მიღებული პერსონალური მონაცემების (მათ შორის, განსაკუთრებული კატეგორიის პერსონალური მონაცემების) დამუშავება და შენახვა რედმედის მიერ უნდა წარმოებდეს შემდეგი პირობების შესაბამისად:

• წარმოებდეს პერსონალური მონაცემების დაცვის შესახებ საქართველოს კანონის შესაბამისად;

• პერსონალური მონაცემები დამუშავდეს მხოლოდ იმ შემთხვევაში, თუ ეს აუცილებელია ამ პირობებით გათვალისწინებული ვალდებულებებით;

• რედმედმა არ უნდა გაუმხილოს, ან მისცეს წვდომა პერსონალურ მონაცემებზე სხვას, გარდა თავისი თანამშრომლებისა, ან მესამე პირისა, რომელიც ჩართულია ამ პირობებით განსაზღვრული ვალდებულებების შესრულებაში და დარწმუნდეს, რომ იმ პირს, ვისაც გადაეცემა პერსონალური მონაცემები, წერილობით გაუფორმდა ხელშეკრულება პერსონალურ მონაცემთა დაცვის ვალდებულების შესახებ;

• გამოიყენოს ყველა შესაძლო გონივრული გზა, რათა ხელი შეუწყოს სხვა მხარეებს, დაიცვას პერსონალური მონაცემები საქართველოს მოქმედი კანონმდებლობის შესაბამისად.

ნებისმიერი მესამე პირის პერსონალურ მონაცემები, რომელსაც თქვენ გაუმხელთ, გადასცემთ, გაუხსნით წვდომას, ან ნებისმიერი სახით მიაწოდებთ რედმედს, თქვენ აცნობიერებთ და გარანტირებულად აცხადებთ, რომ ხართ ზემოთხსენებული მესამე პირის აგენტი ან ოფიციალური წარმომადგენელი და თქვენ მიღებული გაქვთ ყველა აუცილებელი ნებართვა მესამე პირისგან, რათა მათი პერსონალური მონაცემები გადასცეთ რედმედს შეგროვების, გამოყენების ან სხვაგვარად დამუშავების მიზნით.

თქვენ ვალდებული ხართ აუნაზღაუროთ რედმედს ნებისმიერი დანახარჯი/ზიანი, გამოწვეულ იქნა თქვენს მიერ პერსონალური მონაცემების ამ პირობების დაცვის გარეშე გამოყენებით.

წინამდებარე დოკუმენტზე დათანხმებით თქვენ აცხადებთ თანხმობას და უფლებას აძლევთ რედმედს რომ თქვენი პერსონალური მონაცემები, მათ შორის საბანკო რეკვიზიტები გადასცეს გადაეცეს მესამე პირს თქვენთან ანგარისშსწორების მიზნით.

წინამდებარე დოკუმენტზე დათანხმებით თქვენ აცხადებთ, რომ გაცნობილი ხართ რედმედის კონფიდენციალურობის პოლიტიკას და ეთანხმებით მას.

ზარალის ანაზღაურება

თქვენ ეთანხმებით და აღიარებთ, რომ თქვენი ერთადერთი სამართლებრივი დაცვის მექანიზმი პლატფორმასთან მიმართებაში არის პლატფორმაზე რეგისტრაციის გაუქმების მოთხოვნის უფლება.

რედმედს შეუძლია მოითხოვოს თქვენგან ნებისმიერი ზარალის ანაზღაურება, რომელიც მიაყენეთ მას თქვენი მოქმედებით ან გადაცდომით, ნებით ან უნებლიეთ (მოიცავს, მაგრამ არ შემოიფარგლება: მოგების დაკარგვა, მონაცემების დაკარგვა, ბიზნესის დაკარგვა).

თქვენ უნდა აუნაზღაუროთ რედმედს ნებისმიერი ზარალი, რომელიც მას მიადგება თქვენი პლატფორმაზე ქმედების ან უმოქმედობის გამო, ეს ზარალი მოიცავს, მაგრამ არ შემოიფარგლება: ზარალი, რომელიც წარმოიქმნება პლატფორმის გამოყენებით მომხმარებელთან ურთიერთობისას, ზარალი, რომლიც წარმოიქმნება თქვენს მიერ მესამე პირთან (მოიცავს, მაგრამ არ შემოიფარგლება: რედმედის მომხმარებელს) პლატფორმის გამოყენებით ურთიერთობისას, ამ პირობების და წესების დარღვევით მიყენებული ზარალი, მესამე პირის ინტელექტუალური საკუთრების დარღვევით გამოწვეული ზარალი, მოქმედი კანონმდებლობის დარღვევით გამოწვეული ზარალი.

შიდა შეფასების სისტემა

შეფასების სისტემა

პლატფორმაზე თქვენი აქტივობის შეფასება დამოკიდებულია მომხმარებლის შეფასებაზე, რაც შესაძლოა განსაზღვრადეს თქვენი პროფილის რიგითობას. რიგითობის განსაზღვრა სპონსორის დაფინანსებით არ ხდება.

პლატფორმის შესაძლებლობები

თქვენ ეთანხმებით და აღიარებთ, რომ პლატფორმა გაძლევთ საშუალებას, ისარგებლოთ მისი მომსახურებით პრინციპით „როგორც შესაძლებელია“ და „როგორც არის“. თქვენს მიერ პლატფორმის ნებისმიერი ფუნქციის გამოყენება და ნებისმიერი სერვისით სარგებლობა შეგიძლიათ თქვენი პერსონალური პასუხისმგებლობით.

რედმედი არ აცხადებს და არ იძლევა გარანტიას, რომ

• პლატფორმა იმუშავებს დროულად, უსაფრთხოდ, შეუფერხებლად, შეცდომების გარეშე, იქნება შესაბამისი სხვა მონაცემთა ბაზებთან, პროგრამებთან ან მოწყობილებებთან;

• პლატფორმა უპასუხებს თქვენს მოთხოვნებს და მოთხოვნილებებს;

• პლატფორმის შეცდომები და ნაკლები იქნება გამოსწორებული;

• არ შეიცავს ვირუსებს ან სხვა დამაზიანებელ კომპონენტებს.

თავსებადობა

რედმედი არ იძლევა გარანტიას, რომ პლატფორმა თავსებადი იქნება თქვენს მოწყობილობასთან ან სხვა რომელიმე მოწყობილობასთან, რომელიც მიერთებულია თქვენს მოწყობილობაზე. თქვენ თავად ხართ პასუხისმგებელი, გქონდეთ შესაბამისი მოწყობილობა, რომელიც თავსებადია პლატფორმასთან და გქონდეთ ეს მოწყობილობა მუდმივად გამართული.

ცვლილებები

რედმედი იტოვებს უფლებას ნებისმიერ დროს შეიტანოს ცვლილება წინამდებარე წესებსა და პირობებში. ასევე, შესაძლებელია მოხდეს პლატფორმის რედიზაინი. თქვენ პლატფორმის მეშვეობით ან/და სხვა საშუალებით შეძლებთ დაეთანხმოთ წინამდებარე წესებისა და პირობების ცვლილებას, წინააღმდეგ შემთხვევაში თქვენ შეგეზღუდებათ პლატფორმით სარგებლობის უფლება.

გადაბარება

თქვენ არ უნდა გადააბაროთ რედმედის მიერ თქვენზე დაკისრებული უფლებები და მოვალეობები მესამე პირს რედმედის წინასწარი წერილობითი თანხმობის გარეშე, ამის გარეშე ნებისმირი დელეგირება/გადაცემა/გადაბარება არ ითვლება მოქმედად.

წესები და პირობები როგორც ხელშეკრულება

ეს პირობები წარმოადგენს მხარეთა შორის მოქმედ ხელშეკრულებას. მხარეთა შორის დამატებით ფორმდება მომსახურების ხელშეკრულება.

თუ ამ ხელშეკრულების რაიმე ნაწილი გახდა ძალადაკარგული ან ბათილი ის ავტომატურად ითვლება გაუქმებულად და ამ ნაწილის გაუქმება არ ახდენს გავლენას ხელშეკრულების ან მისი ნაწილის ძალაზე და არ ხდის ხელშეკრულებას ან მის ნაწილს არავალიდურს. ამასთან, მუხლის ან მისი ნაწილის ბათილობის შემთხვევაში, მხარეები მათ შორის არსებულ ურთიერთობას მოაწესრიგებენ ბათილ დებულებასთან შინაარსრობრივად ყველაზე ახლოს მდგომი ნამდვილი მოწესრიგებით.

პროფილის გაუქმება

რედმედი იტოვებს უფლებას, ნებისმიერ დროს გააუქმოს სერვისის მიმწოდებლის აქტიური პროფილი რაიმე მიზეზით, ან მიზეზის გარეშე.

მიზეზები, რის გამოც შეიძლება მოხდეს პროფილის დროებითი დაბლოკვა ან გაუქმება, არის, მაგრამ არ შემოფარგლება:

• სამედიცინო ან სხვა, პლატფორმაზე მომსახურების გასაწევად საჭირო სპეციალობის სერტიფიკატის შეჩერება ან გაუქმება ავტორიტეტული ორგანოს მიერ;

• ნარკოტიკების ან ალკოჰოლის ზემოქმედების ქვეშ მომხმარებლისათვის მომსახურების მიწოდების დროს დადასტურებული ფაქტი;

• გრაფიკის გაუქმება, როდესაც მომხმარებელს უკვე გაკეთებული აქვს ჯავშანი, ერთი თვის განმავლობაში ორი შემთხვევა და მეტი საპატიო მიზეზის გარეშე;

• მუდმივი უარყოფითი შეფასებების შემოსვლის შემთხვევაში, როდესაც რეიტინგი ნაკლებია 3 ვარსკვლავზე ზედიზედ 3 თვე.

დავა

ნებისმიერი სამართლებრივი დავა რედმედსა და თქვენს შორის იწარმოებს საქართველოს კანონმდებლობის შესაბამისად.

ელექტრონული კონტრაქტი

ეს ხელშეკრულება წარმოადგენს მხარეთა შორის არსებულ შეთანხმებას და თანხმობის ელექტრონული მონიშვნით თქვენ ადასტურებთ, რომ ეთანხმებით აქ მოყვანილ წესებს და პირობებს, ასევე, დამატებით პირობებს.