REDMED საქართველოში პირველი ინოვაციური სამედიცინო პლატფორმაა, რომელიც საკუთრივ შენი და ოჯახის წევრების ჯანმრთელობაზე ზრუნვას გაგიმარტივებს.
REDMED გიმარტივებს ექიმთან კონსულტაციის მიღების პროცესს:
REDMED-ით ექიმის კონსულტაცია მარტივია. შეგიძლია მარტივად მოძებნო ექიმი და მიიღო საჭირო სამედიცინო მომსახურება და კონსულტაცია დისტანციურად. REDMED-ის აპლიკაციით ან ვებგვერდით აირჩიე სასურველი სპეციალობის ექიმი. შენ შეგიძლია წინასწარ გაეცნო ექიმის პროფილს, მიიღო ინფორმაცია მის განათლებასა და კვალიფიკაციაზე, წაიკითხო სხვა მომხმარებლების შეფასებები, რაც ექიმის შერჩევას ამარტივებს. ექიმის არჩევის შემდეგ მიუთითე მომსახურების ხელსაყრელი დრო და სერვისის ტიპი.
ექიმი სახლში
REDMED-ით შეგიძლია აარჩიო და სახლში მოიწვიო საჭირო მიმართულების სპეციალისტი. სახლში ვიზიტის დროს ექიმი უკეთ ახერხებს პაციენტის გასინჯვას, რადგან ამავდროულად ეცნობა მის საცხოვრებელ გარემო-პირობებს. ვიზიტის და დანიშნულების მოცემის შემდეგ ექიმი კონსულტაციის ბარათს გადმოგცემს, რომელიც მისი პირადი ბეჭდით იქნება დამოწმებული. ვიზიტიდან 24 საათის განმავლობაში, ინფორმაციის გადამოწმების მიზნით შეგიძლია ექიმს დაუსვა კითხვები ჩვენი აპლიკაციის დახმარებით და მიიღო დროული უკუკავშირი.
ვიდეო კონსულტაცია
REDMED-ით შეგიძლია ექიმს ვიდეო ზარით დაუკავშირდე, უთხრა შენი ჩივილები და მიიღო სპეციალისტის რჩევა. ხშირად ვიდეო რჩევით მიღებული ინფორმაცია საკმარისია დასკვნის გამოსატანად. ეს შეცვლის კლინიკაში ვიზიტის საჭიროებას. მანამდე, კი ჯანმრთელობის მდგომარეობის გაუარესების ასარიდებლად, გირჩევს, თუ როგორ უნდა მოიქცე. REDMED-ის საშუალებით შესაძლებელია ლაბორატორიული და ინსტრუმენტული კვლევების პასუხების ატვირთვა. ვიდეო რჩევის სერვისის გამოყენება უფრო მოსახერხებელია, როცა REDMED-ის ექიმი იცნობს შენს ჯანმრთელობის მდგომაროებას.
აუდიო კონსულტაცია
აუდიო რჩევით ძირითადად შეგიძლია ისარგებლო, როცა REDMED-ის ექიმმა უკვე გაგსინჯა მანამდე და მეტნაკლებად იცნობს შენს მდგომარეობას. გაითვალისწინე, რომ სატელეფონო რჩევის დროს სპეციალისტს შენი ფიზიკური მონაცემების შეფასების საშუალება არ აქვს. ამ დროს, შესაძლებელია სპეციალისტმა ექიმის სახლში გამოძახება ან კლინიკაში წასვლა გირჩიოს. REDMED-ის საშუალებით შესაძლებელია ლაბორატორიული და ინსტრუმენტული კვლევების პასუხების ატვირთვა. აუდიო რჩევის მეშვეობით ექიმი დაგაკვალიანებს როგორ უნდა მოიქცე ჯანმრთელობის მდგომარეობის გაუარესების ასარიდებლად. მომსახურების მიღების შემდეგ, არ დაგავიწყდეს ექიმის პროფილზე შეფასების დატოვება - ეს სხვებსაც ეხმარება კარგი სერვისის მისაღებად