aboutMe

რათქმაუნდა არასოდესაა სასურველი ექიმი დაგჭირდეთ, მაგრამ როდესაც ასე მოხდება - ექიმისგან უნდა მიიღოთ სრული სამედიცინო, ფიზიკური, ემოციური მხარდაჭერა და დახმარება. სწორედ ამიტომ მომწონს ოჯახის ექიმის პროფესია- მაქვს საშუალება, ცოდნა და უნარები, რომ პაციენტი შევაფასო და ვმართო მისი მდგომარეობა მიუხედავად ასაკისა, სქესისა და სამედიცინო პრობლემისა. ოჯახის ექიმს შეუძლია პაციენტის შეფასება პირველად დონეზე სრულად, მკურნალობის დანიშვნა, საჭიროების შემთხვევაში კონკრეტულ სპეციალისტთან გადამისამართება, სწორად დაკვალიანება. ასევე, ოჯახის ექიმს შეუძლია იყოს ნამდვილად "ოჯახის" ექიმი- მოგცეთ რჩევები ბავშვების ზრდა-განვითარებასა და აცრებთან დაკავშირებით, მართოს ფიზიოლოგიურად მიმდინარე ორსულის მდგომარეობა, უმკურნალოს ოჯახის ნებისმიერი ასაკის წევრს მწვავე თუ ქრონიკული დაავადების გამოვლენისას და ამ ყველაფრის გათვალისწინებით, უფრო ეფექტურად არის შესაძლებელი ახლად წამოჭრილი პრობლემის გამოკვლევა და სასურველი მიზნის - გამოჯანმრთელების მიღწევა.