reviews

theseReviewsAreWrittenByPatients

ვწუხვარ, რომ ცუდი გამოცდილების გაზიარება მიწევს, მაგრამ იქნებ სხვებს დაეხმაროს ეს კომენტარი, როცა ექიმის შერჩევას აქაური შეფასებების მიხედვით გადაწყვეტს. ექიმმა დამინიშნა ანალიზები, რომლებიც დაუყოვნებლივ გავიკეთე და მალევე მივაწოდე პასუხები. მიუხედავად იმისა, რომ რედმედი ერთკვირიან ვადას გვაძლევს ექიმთან საკონტაქტოდ და თავისუფლად იყო შესაძლებელი ამ დროში დანიშნულების მოცემა, ექიმმა ეს არ გააკეთა. ვთხოვე პირად მიმოწერაშიც (ნომერი თავად მომცა) და რედმედის აპლიკაციაშიც, მაგრამ დანიშნულებამდე ვერ მივედით, პასუხი აღარ გაუცია. ახლა მიწევს სხვა სპეციალისტთან თავიდან კონსულტაციის გავლა, რომ ამ ექიმის დანიშნული ანალიზების პასუხები სხვას ვაჩვენო, დროც დავკარგო და თანხაც დამატებით გადავიხადო, რასაც დაზღვევა აღარ ანაზღაურებს, ვინაიდან, გაუგებარი აღმოჩნდა დაზღვევის პროვაიდერისთვის 1 კვირის ვადაში სხვა ექიმთან რატომ მივდივარ, როცა დანიშნულების მოცემა, როგორც წესი, იმავე ექიმის საქმეა, ვინც ანალიზები დანიშნა. მით უმეტეს, რომ პრობლემური პასუხები მოვიდა ანალიზებით. ამასთან ნაკლები პრობლემაა ის, რომ ექიმი საკმაოდ დაგვიანებით შემოვიდა აპლიკაციაში, მინიმუმ ნახევარი საათი ეკრანზე თვამოუცილებლად ველოდი ჩართვას, დაგვიანებულა პირად ნომერზე გამიწია კონსულტაცია და მეორე დღეს გადმომიგზავნა სხვა კლინიკის ფორმა 100, რისთვისაც მადლობელი ვარ. თუმცა, დაზღვევისთვის ცალკე ამის ახსნა მომიწია, რატომ მქონდა თანხა რედმედის კონსულტაციაში გადახდილი და რატომ წარვადგენდი სხვა კლინიკის დასახელებით ფორმა 100-ს. მოკლედ, თუ ყურადღება და პასუხისმგებლიანი დამოკიდებულება გსურთ, ამ ექიმს არ გირჩევთ - პირადი გამოცდილებით. კვალიფიკაციას ვერ შევაფასებ, შესაძლოა, ძალიან კარგი სპეციალისტია, მაგრამ მე ერთ კონსულტაციაში ამის შეფასება ვერ შევძელი.