aboutMe

ჩემი ბიოგრაფია სხვების ბიოგრაფიებისგან არაფრით გამოირჩევა. დავიბადე და გავიზარდე თბილისში. მთელი ჩემი ბავშვობა ექიმების გარემოცვაში გავატარე, რადგან ყველა ოჯახის წევრები ექიმები იყვნენ. ბავშვობიდანვე გადაწყვეტილი მქონდა ექიმი გავმხდარიყავი და მამის კვალს გავყოლოდი. ვიცოდი, რომ ძალიან ბევრ სირთულეს წავაწყდებოდი, მაგრამ ეს ჩემი გადაწყვეტილება იყო, რომელზეც პასუხისმგებლობა თავადვე ავიღე. 2008 წელს დავიცავი სამეცნიერო თემა და მომენიჭა მედიცინის დოქტორის ხარისხი. ვარ ოტო-რინო-ლარინგოლოგ-აუდიოლოგი. ჩემი ცხოვრებისეული მიზანია - თავდაუზოგავად ვიშრომო, მუდამ ვისწავლო, ვეძიო, ვიკითხო, განვითარდე; რა თქმა უნდა ,,არ ვავნო“, ვიყო მომთმენი პაციენტების მიმართ; გულთან ახლოს მივიტანო ნებისმიერი პაციენტის პრობლემა და რაც მთავარია ვიყო კოლეგიალური. ამაში ხელს მიწყობს ჩემი ოჯახიც - მეუღლე და ორი შვილი, რომლებიც ჩემი მოტივატორები არიან.