შემცირებული მენსტრუაცია - მიზეზები და მკურნალობის გზები

ხშირად ქალებისთვის მენსტრუალური ციკლის დარღვევა ასოცირდება მხოლოდ მის გადაცილებასა, მტკივნეულობასა ან სისხლის დიდი რაოდენობით გამოყოფასთან. შემცირებულ მენსტრუაციას მედიცინაში ჰიპომენორეას უწოდებენ და ის მიეკუთვნება პათოლოგიას. ეს არის მდგომარეობა, როდესაც რეგულარული მენსტრუაციის დროს გამოყოფილი სისხლის რაოდენობა არ აღემატება 30 მლ-ს და პერიოდის ხანგრძლივობა 2 დღეს. 

მისი გამომწვევი მიზეზები მრავალგვარია და ასევეა მკურნალობის გზებიც. გამომდინარე იქიდან, რომ მენსტრუალური ციკლის რეგულაცია რამდენიმე ორგანოს გამართულ და ურთიერთშეთანხმებულ ფუნქციონირებაზეა დამოკიდებული, მისი ნებისმიერი ტიპის დარღვევა აუცილებლად მოითხოვს სპეციალისტის ჩარევას. 

რამ შეიძლება გამოიწვიოს შემცირებული მენსტრუაცია

რამდენადაც დიდ პირად კომფორტს არ უნდა გვიქმნიდეს შემცირებული მენსტრუაცია, მისი გამომწვევი მიზეზის დადგენა დროულად არის აუცილებელი. მისი გამომწვევი მიზეზები შესაძლოა იყოს: 

• ორსულობა - ექტოპიური ორსულობის დროს (როდესაც განაყოფიერება ხდება საშივლოსნოს გარეთ, მაგალითად ფალოპის მილში) შესაძლოა აღინიშნებოდეს ჰიპომენორეა. ექტოპიური ორსულობა სახიფათო მდგომარეობას წარმოადგენს, რადგან საშვილოსნოს გარდა არცერთი სხვა ორგანო არ არის ადაპტირებული ნაყოფის ზრდასა და კვებაზე. ამიტომ დროთა განმავლობაში ნაყოფის ზრდას მოყვება ორგანოს გახეთქვა და სისხლდენა, რაც სიცოცხლისთვის სახიფათო მდგომარეობაა. 
• წონაში უეცარი კლება ან მომატება - იწვევს ჰორმონული ბალანსის დარღვევას, რაც აისახება მენსტრუალური სისხლისხლდენის რაოდენობაზე. 
• ჰიპოთირეოიდიზმი - ჰიპომენორეის ყველაზე ხშირი გამომწვევია;
• ჩასახვის საწინააღმდეგო აბები - ხშირად იწვევენ ჰიპომენორეას და მუქ, შესაძლოა კოლტებიან გამონადენს, რაც ნორმას წამოადგენს; 
• პოლიკისტოზური საკვერცხეების სინდრომი (PCOS) - გინეკოლოგიური პათოლოგიების ერთ-ერთი გავრცელებული ფორმაა, რომლის თანმდევი სიმპტომიც ჰიპომენორეაა;
• კუშინგის სინდრომი - რომლის დროსაც კორტიზოლის მაღალი რაოდენობა ხელს უწყობს ჰიპომენორეის ჩამოყალიბებას;
• მენოპაუზა - ჰიპომენორეა ამ შემთხვევაში ნორმას წამოადგენს;
• აშერმანის სინდრომი - გამოწვეულია ოპერაციული ჩარევების შემდგომი მდგომარეობით, როდესაც მენჯის ღრუს ორგანოებში ვითარდება შეხორცებები, რამაც შესაძლოა გამოიწვიოს ჰიპომენორეა. 

გარდა ჩამოთვლილისა გამომწვევ ფაქტორებს შესაძლოა მიეკუთვნებოდეს კვების დარღვევები, ფიზიკური დატვირთვა, დიაბეტი, გენეტიკური ფაქტორები, ალკოჰოლური და ნარკოტიკული საშუალებების მოხმარება და სიმსუქნე. 

შემცირებული მენსტრუაციის მკურნალობის გზები

როგორც ყოველთვის, მკურნალობის ტაქტიკის შემუშავება დამოკიდებულია რიგ ფაქტორებზე და ინდივიდუალურია. მკურნალობის გზები შესაძლოა მოიცავდეს ფონური დაავადების მკურნალობას, ჰორმონოთერაპიას და ჯანსაღი ცხოვრების წესის დანერგვას. 

ხშირად ისეთი ნუტრიენტებით შევსება როგორიცაა ცინკი, ომეგა 3 და რკინა, ჰიპომენორეის მკურნალობის მარტივ და ეფექტურ მეთოდს წარმოადგენს. ასევე ყოველდღიური მედიტაცია და იოგა გინეკოლოგიური ორგანოების გამართული ფუნქციონირებისთვის მნიშვნელოვან ხელშემწყობ ფაქტორს წარმოადგენს. 

დროულად მიმართეს სპეციალისტს, რათა თავი იგრძნოთ უსაფრთხოდ და გაიგოთ, წარმოადგენენ თუ არა თქვენი ჩივილები საგანგაშო მდგომარეობის ნიშანს. დაგეგმეთ დისტანციური კონსულტაცია ექიმთან რათა დაზოგოთ დრო და რესურსები REDMED-თან ერთად.