Ნებისმიერი ფიზიკური ან მენტალური გამოწვევისას, აუცილებელია სპეციალისტთან ვიზიტი. ასევეა სექსუალური პრობლემის შემთხვევაშიც. თუმცა, სამწუხაროდ, ადამიანთა გარკვეულ ნაწილს ეს ეუხერხულება და ამ პრობლემის მოგვარებას დამოუკიდებლად ცდილობს ან საერთოდ უგულვებელყოფს. არადა ხშირ შემთხვევაში სექსოლოგი და მისი კონსულტაცია ასეთ დროს აუცილებელია.

დღესდღეობით, საბედნიეროდ, სექსუალური ცხოვრება ნაკლებად ტაბუირებული თემაა. სულ უფრო მეტი ადამიანი გრძნობს თავს კომფორტულად ინტიმურ ცხოვრებაზე საუბრისას და სექსოლოგთან მიმართვიანობაც უფრო მაღალია. 

სექსოლოგია არის ადამიანის სექსუალობის, სექსუალური ჯანმრთელობისა და ქცევის შემსწავლელი მეცნიერება. სექსოლოგი კი არის ამ დარგის სპეციალისტი, რომელიც პაციენტებს, როგორც მენტალური, ისე ფიზიკური პრობლემების დაძლევაში ეხმარება.

რა შემთხვევაში უნდა მიმართო სექსოლოგს?

სექსოლოგის კონსულტაცია სხვადასხვა მიზეზით შეიძლება გახდეს საჭირო. მათ შორისაა:

• ურთიერთობაში კონფლიქტი სექსუალური პრობლემების გამო
• გადაჭარებებული ან დაბალი ლიბიდო
• ფიზიოლოგიური პრობლემები
• ტკივილი ან დისკომფორტული სქესობრივი აქტის დროს ან შემდეგ
• სექსის მიმართ ინტერესის დაკარგვა
• სექსზე დამოკიდებულება
• ვაგიზმი
• სექსუალური ტრავმა
• სექსუალური რეაბილიტაცია

ინდივიდუალებში და წყვილებში ხშირია სექსუალური პრობლემები, მათი დროულად მოგვარება კი აუცილებელია. სექსი ნებისმიერი ადამიანის ბედნიერი და სრულფასოვანი ცხოვრებისთვის საჭირო.

აღსანიშნავია, რომ სექსოლოგის საჭიროების მიზეზები მამაკაცებსა და ქალებში განსხვავებულია. მამაკაცებში ძირითადი პრობლემებია:

• ერექციული დისფუნქცია - ერთ-ერთი ყველაზე გავრცელებული უროლოგიური პრობლემაა მამაკაცებში და გულისხმობს სქესობრივი კავშირის დროს ერექციის მიღწევის ან შენარჩუნების შეუძლებლობას. 
• ნაადრევი ეაკულაცია - საკმაოდ აქტუალური სექსუალური პრობლემაა. ამ დროს ეაკილაცია ხდეა პენეტრაციამდე ან პენეტრაციიდან მალევე, უფრო ადრე, ვიდრე ეს მამაკაცს სრულს.
• დაბალი ლიბიდო - გულისხმობს სექსუალური აქტის მიმართ დაბალ ინტერესს, რასაც შეიძლება ბევრი მიზეზი ჰქონდეს. დაბალი ლიბიდო ცხოვრების ხარისხზეც ახდენს გავლენას, ამიტომ ამ პრობლემის დროულად მოგვარება აუცილებელია.

რაც შეეხება ქალებს, ქალებში ყველაზე გავრცელებული პრობლემები, რის გამოც სექსოლოგი სჭირდებათ შემდეგია:

• დაბალი ლიბიდო - როგორც ვხედავთ ეს პრობლემა არა მხოლოდ მამაკაცებში, არამედ ქალებშიც საკმაოდ აქტუალურია
• ვაგინიზმი - პენეტრაციის დროს საშოს კუნთის დაჭიმვა ან სპაზი, რაც დისკომფორტს ან ძლიერ ტკივილს იწვევს. ამ დროს არა მხოლოდ სექსუალური კავშირი, არამედ გინეკოლოგიური გამოკვლევა და ტამპონის მოხმარებაც შეიძლება შეუძლებელი გახდეს. 

ამ შემთხვევებში, სექსოლოგთან ვიზიტი საჭიროა, რადგან თითოეულის გამომწვევი მიზეზი შეიძლება არა მხოლოდ ფიზიოლოგიური, არამედ ფსიქოლოგიურიც იყოს. პირველ რიგში, უნდა დადგინდეს რომელ პრობლემასთან აქვს პაციენტს საქმე, შემდეგ კი რა არის ამ პრობლებლემის გამომწვევი მიზეზი.

სექსოლოგთან ვიზიტის დადებითი მხარეები

პირველ რიგში, სექსოლოგი დაგეხმარებათ თქვენი პრობლემისა და მისი გამომწვევი მიზეზის განსაზღვრაში. თუ თქვენი პრობლემა ფიზიოლოგიურია, შესაბამის მედიკამენტს ან სხვა სახის მკურნალობას დაგინიშნავთ. ფსიქოლოგიური გამოწვევის შემთხვევაში კი იმაზე იმუშავებს, რომ თქვენს პარტნიორთან ან საკუთარ თავთან უფრო ღია კომუნიკაცი გქონდეთ. ეს ჯანსაღი სექსუალური ცხოვრებისკენ გადადმული პირველი ნაბიჯია.