სქოლიოზი არის ხერხემლის გამრუდება, რომელიც ყველაზე გავრცელებულია მოზარდებში.  ბავშვთა სქოლიოზის უმეტესობის მიზეზი უცნობია. თუმცა,  სქოლიოზი შეიძლება განვითარდეს ცერებრალური დამბლის და კუნთოვანი დისტროფიის მქონე ადამიანებშიც.

სქოლიოზის შემთხვევების უმეტესობა მსუბუქია, მაგრამ ზოგიერთ შემთხვევაში უარესდება ბავშვის ზრდასთან ერთად. მძიმე სქოლიოზმა შესაძლოა გამოიწვიოს დაინვალიდება. განსაკუთრებით სერიოზულმა ხერხემლის გამრუდებამ შეიძლება შეამციროს გულმკერდის შიგნით არსებული სივრცე, რაც ართულებს ფილტვების გამართულ ფუნქციონირებას.

ბავშვებს, რომლებსაც აქვთ მსუბუქი სქოლიოზი, ყურადღებით აკვირდებიან რენტგენის საშუალებით, რათა დადგინდეს, გამრუდება უარესდება თუ არა. ხშირ შემთხვევაში მკურნალობა არ არის საჭირო. ზოგიერთ შემთხვევაში შეიძლება საჭირო გახდეს კორსეტის ტარება, რათა გამრუდება არ გაუარესდეს. თუმცა უფრო სერიოზული პრობლემის გასასწორებლად, Ზოგ შემთხვევაში შეიძლება დაინიშნოს ოპერაცია.

Სიმპტომები

• არათანაბარი მხრები;
• ბეჭების ასიმეტრია (ერთი ბეჭი უფრო ამოზნექილი ვიდრე მეორე);
• არათანაბარი წელი;
• თეძოების ასიმეტრია (ერთი თეძო უფრო მაღალი ვიდრე მეორე);
• ნეკნი ერთ მხარეს მეტად გამოწეული;
• წინ წამოწევისას ზურგის ერთი მხრის უპირატესობა.

სქოლიოზის უმეტეს შემთხვევაში, ხერხემალი ბრუნავს ან ტრიალდება, გარდა იმისა, რომ გვერდულად იხრება. 

როდის მივმართოთ ექიმს

მიმართეთ ექიმს, თუ შეამჩნევთ სქოლიოზის სიმპტომებს. მსუბუქი გამრუდება შეიძლება განვითარდეს ისე, რომ პაციენტმა ეს ვერ შენიშნოს, რადგან სიმპტომები თანდათან ჩნდება და თავდაპირველად არ იწვევეს ტკივილს.

Მიზეზები

სქოლიოზის ყველაზე გავრცელებული ტიპის გამომწვევი მიზეზი უცნობია - თუმცა სავარაუდოა, რომ ეს დაკავშირებულია მემკვიდრეობით ფაქტორებთან.

სქოლიოზის ნაკლებად გავრცელებული ტიპები შეიძლება გამოწვეული იყოს:

• გარკვეული ნერვ-კუნთოვანი მდგომარეობა, როგორიცაა ცერებრალური დამბლა, ან კუნთოვანი დისტროფია.
• თანდაყოლილი დეფექტები, რომლებიც გავლენას ახდენენ ხერხემლის ძვლების განვითარებაზე.
• ოპერაცია გულმკერდის კედელზე ბავშვობაში.
• ხერხემლის დაზიანებები, ან ინფექციები.
• ზურგის ტვინის დარღვევები.

Რისკის ფაქტორები

სქოლიოზის ყველაზე გავრცელებული ტიპის განვითარების რისკ ფაქტორები მოიცავს:

• ასაკი - ნიშნები და სიმპტომები ჩვეულებრივ იწყება მოზარდობის ასაკში.
• სქესი - მიუხედავად იმისა, რომ ორივე სქესს, უვითარდება მსუბუქი სქოლიოზი დაახლოებით ერთნაირი სიჩქარით, ქალებს აქვთ გამრუდების გაუარესების და მკურნალობის საჭიროების გაცილებით მაღალი რისკი.
• ოჯახის ისტორია. 

გართულებები

მიუხედავად იმისა, რომ სქოლიოზით დაავადებულთა უმეტესობას აქვს მსუბუქი ფორმა, სქოლიოზმა ზოგჯერ შეიძლება გამოიწვიოს გართულებები, მათ შორის:

• სუნთქვის პრობლემები. მძიმე სქოლიოზმა შესაძლოა გამოიწვიოს ნეკნის ფილტვებზე დაჭერა, რაც ართულებს სუნთქვას.
• ზურგის პრობლემები. ადამიანებს, რომლებსაც ბავშვობაში ჰქონდათ სქოლიოზი, შეიძლება უფრო მეტად ჰქონდეთ ზურგის ქრონიკული ტკივილი მოზარდობაში, განსაკუთრებით თუ გამრუდება დიდია და არ არის ნამკურნალები.
• გარეგნობა. სქოლიოზის გაუარესებამ შეიძლება გამოიწვიოს შესამჩნევი ცვლილებები - მათ შორის არათანაბარი თეძოები და მხრები, გამოკვეთილი ნეკნები და წელის გვერდზე გადაწევა.