Ბულიმია

თუ თქვენი სხეულის ფორმები და წონა ძალიან გაწუხებთ და მუდმივად, სხვადასხვა გზით, ცდილობთ დაკლებას, შეიძლება ბულიმიის სიპტომებში საკუთარი თავი ამოიცნოთ.

სიმპტომები

ბულემიის ნიშნები და სიმპტომები შეიძლება მოიცავდეს:

• Ძალიან გაწუხებთ თქვენი სხეულის ფორმა და წონა
• Მუდმივათ გაქვთ წონაში მატების შიში 
• გაქვთ არანორმალურად დიდი რაოდენობით საკვების მიღების განმეორებითი ეპიზოდები 
• კვების დროს კონტროლის დაკარგვის შეგრძნება - თითქოს ვერ შეწყვეტთ ჭამას, ან ვერ აკონტროლებთ რას ჭამთ
• აიძულებთ საკუთარ თავს ღებინებას, ან ძალიან ბევრ ვარჯიშს, რათა თავიდან აიცილოთ წონის მატება 
• საფაღარათო საშუალებების, შარდმდენების, ან ჭიმების გამოყენება ჭამის შემდეგ, როდესაც არ არის მათი გამოყენების საჭიროება 
• დიეტა, კალორიების შეზღუდვა
• წონის კლებისთვის დიეტური დანამატების, ან მცენარეული პროდუქტების გადაჭარბებული გამოყენება

ბულიმია არის სერიოზული, პოტენციურად სიცოცხლისათვის საშიში კვებითი აშლილობა. ბულიმიით დაავადებული ადამიანები ფარულად მიირთმევენ დიდი რაოდენობით საკვებს, კონტროლის დაკარგვით - ხოლო შემდეგ ცდილობენ მოიცილონ ზედმეტი მიღებული კალორიები არაჯანსაღი გზით.

კალორიებისგან თავის დასაღწევად და წონის მატების თავიდან ასაცილებლად, ბულიმიით დაავადებულმა ადამიანმა შეიძლება გამოიყენოს სხვადასხვა მეთოდი. მაგალითად, რეგულარული ღებინება, ან საფაღარათო საშუალებების გამოყენება, წონის დასაკლები დანამატები, დიურეტიკები, ან ოყნა. Ასევე, სხვა გზები, როგორიცაა მკაცრი დიეტა, ან გადაჭარბებული ვარჯიში.

თუ წონისა და სხეულის ფორმების გამო შეგიძლიათ სასტიკად და მკაცრად განსაჯოთ საკუთარი თავი, შესაძლოა გქონდეთ ბულემია. ეს პრობლემა, დაკავშირებულია არა მხოლოდ საკვებთან, არამედ თვითშეფასებასთან და მისი დაძლევა საკმაოდ რთულია. თუმცა, ეფექტური მკურნალობა დაგეხმარებათ უკეთ იგრძნოთ თავი, დაიცვათ ჯანსაღი კვების რეჟიმი და შეაჩეროთ სერიოზული გართულებები.

გართულებები

ბულიმიამ შეიძლება გამოიწვიოს მრავალი სერიოზული და სიცოცხლისთვის საშიში გართულება:

• დაბალი თვითშეფასება და პრობლემები ურთიერთობებსა და სოციალურ გარემოში
• დეჰიდრატაცია, რამაც შეიძლება გამოიწვიოს სერიოზული სამედიცინო პრობლემები, როგორიცაა თირკმლის უკმარისობა
• გულის პრობლემები, როგორიცაა გულის რითმის დარღვევა, ან გულის უკმარისობა
• კბილების დაზიანება და ღრძილების დაავადება
• მენსტრუაციის არარსებობა, ან არარეგულარული მენსტრუაცია 
• საჭმლის მომნელებელი სისტემის პრობლემები
• შფოთვა, დეპრესია, პიროვნების, ან ბიპოლარული აშლილობა
• ალკოჰოლის, ან ნარკოტიკების გამოყენება
• თვითდაზიანება, სუიციდური აზრები, ან თვითმკვლელობა

როდის მივმართოთ ექიმს

თუ ფიქრობთ, რომ გაქვთ ბულიმიის რაიმე ნიშანი, აუცილებელია მიმართოთ სამედიცინო დახმარებას, რაც შეიძლება მალე, რადგან ბულიმიამ შეიძლება სერიოზულად იმოქმედოს თქვენს ჯანმრთელობაზე.

თუ ზემოთ ჩამოთვლილი სიმპტომები თქვენთვის ნაცნობია, აუცილებლად ჩანიშნეთ კონსულტაცია ფსიქიატრთან. Რედმედით შეძლებთ, ფსიქიატრის კონსულტაცია ონლაინ მიიღოთ და თქვენი ჯანმრთელობა სახლიდან გაუსვლელად მართოთ.