ღრძილების ანთება

ღრძილების ანთება -

გინგივიტი ღრძილში მიმდინარე ანთებითი პროცესია, რომლის დროსაც კბილები არ ირყევა. გინგივიტის გამოვლინება პირის ღრუში ძალიან ჰგავს პაროდონტიტს, თუმცა გინგივიტის დროს ანთებითი პროცესი ძვალზე არ ვრცელდება და შემოიფარგლება მხოლოდ რბილი ქსოვილებით. 

პაროდონტიტიც ღრძილების ანთებაა და მისი საწყისი სტადია თითქმის უსიმპტომოა. თუმცა, დაავადება შესამჩნევი ხდება მაშინ, როცა იწყება ღრძილებიდან სისხლდენა, ღრძილები იწყებს შეშუპებას, შიშვლდება კბილის ფესვი, მატულობს კბილების მგრძნობელობა, იწყება მორყევა და ჩნდება სუნი პირის ღრუდან. პაროდონტიტის დროს ძვლოვანი ქსოვილის ატროფიის გამო კბილები ირყევა და თანდათან ცვივა. 

რა იწვევს ღრძილების ანთებას?

ღრძილების ანთების გამომწვევი მთავარი მიზეზი პირის ღრუს არასრულფასოვანი ჰიგიენაა, თუმცა, ასევე არსებობს სხვა მრავალი მიზეზი: 

• ბჟენებისა და ხელოვნური გვირგვინების დეფექტები; 
• კბილთა ანომალიური მდებარეობა; 
• იმუნოდეფიციტი; 
• ღრძილების ტრავმა; 
• მავნე ჩვევები; 
• ინფექციური და სომატური დაავადებები, მაგალითად: C ჰეპატიტი, შაქრიანი დიაბეტი, გულსისხლძარღვთა დაავადებები და ა.შ.

ღრძილების ანთების ნიშნები:

• სისხლდენა ღრძილებიდან;
• ღრძილების სიწითლე ან მოლურჯო ელფერი;
• ღრძილების შეშუპება;
• უსიამოვნო სუნი პირის ღრუდან;
• დისკომფორტი ან ღრძილების ტკივილი;
• კბილის ფესვების გაშიშვლება;
• კბილების მორყევა, ჩირქდენა.

თუ ჩამოთვლილთაგან რომელიმე სიმპტომს შეამჩნევთ, ეჭვი ღრძილების ანთებაზე უნდა მიიტანოთ და სასწრაფოდ მიმართოთ სპეციალისტს.

ღრძილების ანთება ბავშვებში

ვინაიდან მიიჩნევა, რომ ღრძილების ანთების ძირითადი მიზეზი არასრულფასოვანი ჰიგიენაა, რაც იწვევს ბაქტერიების მოხვედრას ღრძილის ლორწოვან გარსზე, ბავშვებში ხშირად იჩენს თავს ეს პრობლემები. რისკჯგუფში შედიან როგორც მცირეწლოვანი (1-4 წლის) ბავშვები, ასევე სკოლის მოსწავლეები. თუ ბავშვს აქვს ღრძილების ანთება, აუცილებლად დროულად უნდა მოხდეს მისი დიაგნოსტირება და მკურნალობა, რომ თავიდან აიცილოთ ინფექციური და ჩირქოვანი პროცესები.  

როგორ ვუმკურნალოთ ღრძილების ანთებას?

პირის ღრუს საფუძვლიანი ჰიგიენა განაპირობებს ჯანმრთელ ღრძილებს. იმისთვის, რომ თავიდან აიცილოთ ღრძილების დაავადებები, აუცილებელია, პერიოდულად ჩატარდეს (3-6 თვეში ერთხელ) კბილების პროფესიული წმენდა. 

გადატვირთული რეჟიმის გამო, ხშირად გვავიწყდება ხოლმე გეგმურ კონსულტაციებზე მისვლა ექიმთან. თუმცა, თუ არ გაქვთ დრო მიხვიდეთ ან ჩანიშნოთ ვიზიტი სპეციალისტთან, ამაში პირველი ინოვაციური სამედიცინო პლატფორმა რედმედი დაგეხმარებათ. 

REDMED-ის მეშვეობით შესაძლებელია ონლაინ გაიაროთ ვიდეო ან აუდიო კონსულტაცია სასურველ ექიმთან 24 საათის განმავლობაში, ან ჩაეწეროთ კლინიკაში ვიზიტზე ზუსტ დროს და ადგილას. 

პლატფორმა აერთიანებს 20 სპეციალობის 300-მდე ექიმს საქართველოდან, გერმანიიდან, ამერიკის შეერთებული შტატებიდან, ავსტრიიდან და მსურველს აძლევს საშუალებას, მისთვის სანდო, სასურველ ექიმთან გაიაროს კონსულტაცია მაშინაც კი, თუ ის საქართველოში არ არის. 

თუ სარგებლობთ ჯანმრთელობის დაზღვევით, რედმედი არანაირ პრობლემას არ შეგიქმნით და გადმოგცემთ, ან გამოგიგზავნით დაზღვევისთვის საჭირო დოკუმენტაციას .