რა არის ცისტიტი?

ცისტიტი შარდის ბუშტის ანთებაა, რომელიც უფრო ხშირად ქალებში იჩენს თავს, ვიდრე მამაკაცებში, ამის მიზეზად კი ანატომიურ აგებულებას ასახელებენ. ქალის შარდსადინარი უფრო მოკლე და განიერია, ვიდრე მამაკაცის, ამიტომ საშოდან და ანალური მიდამოდან შარდსადინარში მოხვედრილი ინფექცია ადვილად აღწევს შარდის ბუშტში.

კაცებში შარდის ბუშტის ანთება უფრო ზრდასრულ ასაკში ვითარდება, როდესაც აღინიშნება შარდის შეკავება პროსტატიტის ან პროსტატის ადენომის ფონზე. 

რა იწვევს შარდის ბუშტის ანთებას

როგორც წესი, შარდის ბუშტის ანთების გამომწვევია ინფექცია, რომელსაც უმეტესად საფუძვლად უდევს ნაწლავის ჩხირი, სტაფილოკოკი, სტრეპტოკოკი ან სხვა მიკრობები. გარდა ამისა ცისტიტის მიზეზად ასევე შეიძლება იქცეს უბრალო გაციება, სქესობრივი კავშირი (ე.წ. ახალდაქორწინებულთა ცისტიტი), პირადი ჰიგიენის დაუცველობა, ჰორმონების, ანტიბიოტიკების გამოყენება, იმუნიტეტის დაქვეითება. და ა.შ.

სიმპტომები ცისტიტის დროს

ცისტიტის სიმპტომები იმდენად დიდ დისკომფორტს იწვევს, რომ მარტივად შეიძლება მასზე ეჭვის მიტანა, თუ გაქვთ:  

• გახშირებული, მტკივნეული შარდვა (ნორმაა დღეში დაახლოებით 4-ჯერ);
• შარდის უსიამოვნო სუნი;
• მუქი ფერის ან ფერშეცვლილი შარდი (თუმცა ასეთი რამ მოსალოდნელია ანთების გარეშეც, თუ მაგალითად, ჭარხალი მიირთვით);
• შარდვის გაძნელება;
• საზარდულის არეში უსიამოვნო შეგრძნება, რომლის დახასიათებაც ძნელია;
• მუცლის ყრუ ტკივილი;
• ჭინთვები მოშარდვის სურვილით, რასაც თან სდევს მცირე რაოდენობით სითხის გამოყოფა;

 მწვავე ცისტიტის დროს შესაძლებელია მოიმატოს სხეულის ტემპერატურამ, გქონდეთ თავბრუსხვევა და გულისრევა. 

ცისტიტის მკურნალობა

როგორც უკვე აღინიშნა, ცისტიტის ამოცნობა სიმპტომებით მარტივია. მასზე ეჭვის გაჩენისთანავე უნდა მიმართოთ ექიმს. შესაძლოა ხალხურმა მეთოდებმა დროებით მოგიხსნათ პრობლემა, მაგრამ საფუძვლიანად მკურნალობისა და გართულებების თავიდან ასაცილებლად აუცილებლად უნდა გაიაროთ კონსულტაცია სპეციალისტთან.

ცისტიტით ქალების დაავადების შემთხვევაში ყურადღება უნდა მიექცეს ქალის სასქესო ორგანოთა ინფექციებს, რომელიც საშარდე სისტემაში ადვილად ვრცელდება. ამის გათვალისწინებით საჭიროა, პერიოდულად გინეკოლოგთან კონსულტაცია.

გასაგებია, რომ  ჩვენს რეალობაში რთულია ექიმიდან ექიმთან სიარული, რიგები და დროის სიმცირე ნამდვილად დიდი პრობლემაა ასეთ ვითარებაში. 

თუმცა, პირველი ინოვაციური სამედიცინო პლატფორმის redmed-ის მეშვეობით ახლა უკვე შესაძლებელია ექიმთან ჩაეწეროთ და მიხვიდეთ ზუსტად თქვენთვის მოსახერხებელ დროს. ან დაგეგმოთ ონლაინ ვიზიტი და მიიღოთ სატელეფონო ან ვიდეო კონსულტაცია 24/7-ზე, თქვენთვის მოსახერხებელი ადგილიდან.  

REDMED-ით ამასთანავე შესაძლებელია სასურველი მიმართულების სპეციალისტის სახლში გამოძახება. დაზღვევისთვის წარსადგენ დოკუმენტაციას კი რედმედის პორტალზე მიიღებთ.

თუ ინსტრუმენტულ-ლაბორატორიული კვლევები დაგჭირდებათ, ლაბორატორიაც შეგიძლიათ გამოიძახოთ და სახლში გაიკეთოთ ანალიზები. 

რედმედი ყველანაირად ზრუნავს პაციენტის კმაყოფილებაზე და უწყობს ხელს ადამიანებს, იზრუნონ საკუთარ ჯანმრთელობაზე ზედმეტი დროის კარგვის გარეშე. 

როგორ ავირიდოთ ცისტიტი თავიდან

ცისტიტის თავიდან ასაცილებლად პირველ რიგში უნდა ერიდოთ გაციებას, დაიცვათ ჰიგიენა, რათა ბაქტერიები არ მოხვდეს შარდის გამომყოფ გზებში, რეგულარულად იარეთ ტუალეტში - არ შეიკავოთ შარდი, რადგან ის ბაქტერიების გამრავლებას უწყობს ხელს, არ ისხდეთ დიდხანს ერთსა და იმავე პოზაში, რაც მცირე მენჯის ორგანოებში სისხლის შეგუბებას იწვევს. ამასთანვე უნდა იზრუნოთ იმუნიტეტის გაძლიერებაზე. ცისტიტის მკურნალობისას რაციონიდან უნდა ამოიღოს ცხარე, გამაღიზიანებელი საკვები, გაზიანი სასმელები. არა მხოლოდ ცისტიტის დროს, არამედ მისი პრევენციისთვისაც რეკომენდებულია დღეში 2-3 ლიტრი წყლის დალევა ანთების გამომწვევის ორგანიზმიდან გამოსადევნად.