გადაჭარბებულია ოფლიანობა, როდესაც ოფლი ორგანიზმიდან გამოიყოფა იმაზე მეტი რაოდენობით, ვიდრე მოსალოდნელია გარემოს, ტემპერატურის, აქტივობის დონის, ან სტრესის მიხედვით. გადაჭარბებულმა ოფლიანობამ შესაძლოა შეაფერხოს თქვენი ყოველდღიური საქმიანობა და გამოიწვიოს სოციალური შფოთვა, ან უხერხულობა.

ჭარბი ოფლიანობა, ჰიპერჰიდროზი (hi-pur-hi-DROE-sis) შესაძლოა გამოიხატოს მთელ სხეულზე, ან სხეულის მხოლოდ გარკვეულ უბნებზე, როგორიცაა ხელისგულები, ფეხისგულები, იღლიები, ან სახე. ოფლიანობის ტიპი, რომელიც გავლენას ახდენს ხელებსა და ფეხებზე, გამოიხატება კვირაში მინიმუმ ერთი ეპიზოდით, დილის საათებში.

თუ ჭარბ ოფლიანობას არ აქვს ძირითადი სამედიცინო მიზეზი, პირველადი ჰიპერჰიდროზი ეწოდება. 

Პირველადია ჰიპერჰიდროზი, როდესაც ჭარბი ოფლიანობა არ არის გამოწვეული ტემპერატურის მატებით, ან ფიზიკური აქტივობით. პირველადი ჰიპერჰიდროზი შესაძლოა ნაწილობრივ მაინც იყოს მემკვიდრეობითი.

თუ ჭარბი ოფლიანობა გამოწვეულია სამედიცინო მდგომარეობიდან, მას მეორადი ჰიპერჰიდროზი ეწოდება.

ჯანმრთელობის მდგომარეობა, რამაც შეიძლება გამოიწვიოს ჭარბი ოფლიანობა, მოიცავს:

• აკრომეგალია
• დიაბეტური ჰიპოგლიკემია
• გაურკვეველი მიზეზით ცხელება
• ჰიპერთირეოზი (ფარისებრი ჯირკვლის გადაჭარბებული აქტივობა)
• ინფექცია
• ლეიკემია
• ლიმფომა
• Მალარია
• მედიკამენტების გვერდითი მოვლენები, როგორიცაა ზოგჯერ ბეტა ბლოკატორებისა და ანტიდეპრესანტების მიღებისას
• მენოპაუზა
• ნევროლოგიური დაავადება
• ფეოქრომოციტომა (თირკმელზედა ჯირკვლის იშვიათი სიმსივნე)
• ტუბერკულოზი

Როდის მივმართოთ ექიმს 

სასწრაფოდ მიმართეთ სამედიცინო დახმარებას, თუ თქვენს ძლიერ ოფლიანობას თან ახლავს თავბრუსხვევა, გულმკერდის ტკივილი, ან გულისრევა.

ასევე, აუცილებლად გაიარეთ ენდოკრინოლოგთან კონსულტაცია, თუ:

• უეცრად გეწყებათ ჩვეულებრივზე მეტად ოფლიანობა;
• ოფლიანობა არღვევს ყოველდღიურ რუტინას;
• ძილის დროს გამოყოფთ ოფლს დიდი რაოდენობით, აშკარა მიზეზის გარეშე;
• ოფლიანობა იწვევს ემოციურ ან სოციალურ სტრესს.