ჩემი ცხოვრების ყველაზე იღბლიან ნაბიჯს წარმოადგენს არჩეული პროფესია, ის ფერადი სამყარო, რომლის ბინადრებიც ჩემი პატარა მეგობრები - ბავშვები არიან, მათ ჯანმრთელობაზე ზრუნვა და ამ ყველაფრისათვის აუცილებელი და საჭირო უწყვეტი სამედიცინო განათლება. პაციენტის ვიზიტის დროს ვცდილობ მაქსიმალური დრო დავუთმო მშობელთან საუბარს, დაავადების შესახებ ინფორმაციის მოპოვებას და ანალიზს, პირად ურთიერთობას ბავშვთან, პატარების ინტერესებისა და სურვილების გათვალისწინებას, რათა ნაკლებად სტრესული და სასიამოვნო გახდეს მათთვის ექიმთან კონტაქტი. ჩემი საექიმო საქმიანობის მთავარი პრინციპია არ დავარღვიო მედიცინის უმთავრესი პოსტულატი " Primum non nocere " - " უპირველესად არ ავნო ", მქონდეს მუდმივი პროფესიული თუ მეგობრული ურთიერთობა ჩემს კოლეგებთან, მშობლებს მივაწოდო ამომწურავი ინფორმაცია, მივცე რჩევა - დარიგება და, ფიზიკური შესაძლებლობის ფარგლებში, ვიყო მუდმივ მზადყოფნაში პატარების დასახმარებლად.
theseReviewsAreWrittenByPatients